ඉදින් බී. ඇස් මාලනී හෙවත් මාලනී බුලත්සිංහල ද තමාටත් විරහ ගී ද ගයන්නට හැකි බව පෙන්වන්නට සිතුණු හෙයින් අපි තවමත් සෝකයේත් , මග හැරීමේත් කම්පනයෙන් මිදෙන්නට නොහැකිව වේදනා විඳිමු.
"වළාවකින් ඔබ මැකී ගියා බොල් අහසේ - සිනා පහන් වැට නිවී ගියා සැඩ සුළඟේ" යනුවෙන් ගයන ඇගේ හඬ දහස් සංඛ්‍යාත රහස් සැඟවුණු විසල් පාලු මන්දිරයක මැද දැල්වෙන චිමිනි ආලෝකයක් බඳු ය. අඳුර ද ආලෝකය ද එක ලෙස දනවන සුලු ය. ඈතට පෙනෙන දැනෙන සුලු ය.
තාරකා වුව ද ඇපයෙන් ගැලවෙන්නට පමණක් පෙනෙන නොපෙනෙන දුරක හිඳින පාලු රැය පුරා මාලනී ගයන්නී ය. "ඉරත් මැරී පුන් සඳත් ලොව ඇඳුරේ - කෙසේ ද ඉන්නේ පාළු පැලේ නිදි පැදුරේ" සාංකාව වෙලා ගත් හුදෙකලාව කෙතරම් විසල් දැයු දැන දැන අකාරුණික ව ප්‍රශ්න කරන්නීය.
කසුන් කල්හාර ඉඳහිටක මේ ගීය ඔහුට සුපුරුදු ලයෙන් ගයන්නේ ය. එය ලස්සනට ඇසෙන නුමුදු මාලනීගේ හඬ මතකයේ ඇති තාක් එය ලස්සන බව් නොකියා සිටින්නට අප ප්‍රවේසම් වන්නෙමු. එච්.එම් වයලීනයට වැළපෙන්නට ඉඩ හැර තමා වඩාත්ම හොඳින් දන්නා හඬ වෙනුවෙන් ගීයක් නිර්මාණය කළේ ය. ඔහු මාලනීගේ ගීත විෂයයෙහි දැක් වූ අවබෝධය සහ සාර්ථකත්වය කෙතරම් ඉදිරියෙන් ද යන්න අපය වටහාගත හැකි වන්නේ තවත් දක්ෂ සංගීත අධ්‍යක්ෂවරයෙකු වන වික්ටර් දළුගම සමග සැසඳීමෙනි. වික්ටර් ද අමිතා දළුගම (වැදිසිංහ) ට තනු නිර්මාණය කළ අතර ඒවා ජනප්‍රිය වූ නුමුදු මාලනී - එච්.එම් සුසංයෝගය තරම් අනන්තය තෙක් පවතින දිදුලන බව ඒ නිර්මාණ තුළින් දක්නට නොහැකි විය. රඹුකන සිද්ධාර්ථ හිමිගේ පද වැල් හේතුවෙන් අද්‍යතන සරල ගීත කලාව තුළ බණ දහම් සහ දේශාභිමානී ගීත වලට ම කොටුවීමේ අවදානමක් තිබූ මාලනීසුනිල් ආරියරත්නගේ පද වැල් වලට විරහී හදවත් තව තවත් හඬවමින් ගැයුවා ය.
"ඔබට මා ආදරය කළ බව මෙතරම්
මා දමා ඔබ දුරු රට යනතුරු නොදනිම්"
මාලනී !
සමහර තුවාල කිසි දා සුව වන්නේ නැත.
0 comments:
Post a Comment