රෝස පෙති , පෙතිම මිස
යළි කිසි දිනෙක මල් නොවෙන
මගහැරුණු උයන්දොර
ගර්ඩාය
තවමත් රෝස මල් සුවඳ
එදා මෙන් හඳුනන
හිම කුණාටුවක් දැක කැමැත්තෙන් අතරමං වන
සීතලෙන් සීත වෙන - ඉදින් කම් නෑ සිතන
කායි ය
අඳුරු විශ්වය ඈත
පිසාචයෙකියි දැන සිටින
ඇසග රැඳි වීදුරු කැබලි දකින
දැක දැකම - එ නොදන්නා සේ හිඳින
අතුරුදන් රෝස මල් යායෙකි
මග දෙපස වෘක වළසුන් රෑනකි
ඈත හිමගිර මාලිගාවකි
එක්ව විසඳිය යුතුයි පැවසෙන
නොවිසඳුණු හරස්පද ප්‍රෙහේලිකාවකි
කායි ය
මිදී යන සීතලම පරම සුවයකි සිතන
අතීතය අමතකව යන
රෝස මල් නාඳුනන බව පවසන
විශ්වයේ ඈත කොණ උණුසුමට ලොබ බඳින
ඉදින් - ඇසග වීදුරු කැබලි
රැඳෙන්නට ඉඩ හරින
ගර්ඩාය
රෝස මල් මතකයක
සුවඳ පමණක් දැනෙන
නිදහසේ දිවි ගෙවන
ඉඳහිට උයන්දොර දකින
සාංකාව එහිම රඳවන
රෝස මල් කොහිදැයි නොසොයන
0 comments:
Post a Comment